बाबुराम भट्टराई भन्छन्- शरणार्थी प्रकरणको छानबिनमा आशंका छ

काठमाडौं। नेपाल समाजवादी पार्टीका अध्यक्ष डा. बाबुराम भट्टराईले बहुमतको स्थिर सरकार नभएका कारण निष्पक्ष छानबिन हुने कुरामा आशंका उब्जिएको बताएका छन् । शनिवार काठमाडौंको नक्सालमा आयोजित भ्रष्टाचारविरुद्धको वृहद् नागरिक आन्दोलनमा सहभागी हुँदै उनले स्थिर सरकार नहुनाले निष्पक्ष छानबिन हुने कुरामा शंका रहेको बताए ।

जनताले यसैगरी खबरदारी गरिरहे भ्रष्टाचारीहरू बच्न नसक्ने उनको भनाइ थियो । ‘सडक, सदन र सरकारबाट नै नागरिकले खबरदारी गर्नुपर्छ । हामीले खबरदारी गरिरहे भ्रष्टहरू छुट्दैनन्,' उनले भने, 'अहिलेको निर्वाचन प्रणालीले बहुमत पुग्दैन । अस्थिर सरकार छ । त्यसैले आफ्नो सरकार जोगाउन कार्यकारी प्रमुखले दह्रो कदम चाल्न सक्दैन । आशंका छ ।’