धादिङबाट काठमाडौँ आउँदै गरेको बसमा आगलागी

काठमाडौं।त्रिभुवन राजपथअन्तर्गत धादिङको धुनिबेशीमा गुडिरहेका बसमा आगलागी भएको छ । जिल्लाको नीलकण्ठ नगरपालिकाबाट काठमाडौंका लागि छुटेको ग१ख ४८४७ नम्बरको बसमा आगलागी भएको जिल्ला प्रहरी कार्यालय धादिङले जनाएको छ ।

कार्यालयका अनुसार गुडिरहेको बसमा एक्कासि आगो लागेको हो ।  आगलागीबाट मानवीय क्षति भने नभएको प्रहरीको भनाइ छ । बसका सिट भने जलेर नष्ट भएका छन्।बसमा लागेको आगो नियन्त्रणमा आइसकेको प्रहरीले जनाएको छ ।