कञ्चनपुरमा हाँगाले लागेर एकजनाको मृत्यु

काठमाडौं । रुखबाट खसेको हाँगाले लाग्दा कञ्चनपुरमा आज एक जनाको मृत्यु भएको छ । बैजनाथ सामुदायिक वनमा दाउरा खोज्न गएका कञ्चनपुरको शुक्लाफाँटा नगरपालिका–८ का ४५ वर्षीय अनिल डगौराको ज्यान गएको प्रहरीको भनाइ छ ।

रूखको हाँगा खसेर डगौराको टाउकोमा चोट लागेको थियो । उपचारका लागि महेन्द्रनगरमा रहेको महाकाली प्रादेशिक अस्पताल पुर्याउँदा चिकित्सकले डगौरालाई मृत घोषणा गरिएको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक प्रकाश डाँगीले जानकारी दिए ।