म्याग्दी । म्याग्दीस्थित धवलागिरि हिमालमा एक जना बेपत्ता भएका छन्। साथै दुई जनाको सकुशल उद्धार गरिएको छ।
आठ हजार एक सय ६७ मिटर अग्लो धवलागिरि हिमाल म्याग्दीको धवलागिरि गाउँपालिकाको वडा नम्बर ४ मा अवस्थित छ।
धवलागिरि आधार शिविरमा आरोहीको सामान पुर्याएर फर्कने क्रममा शुक्रबार साँझ उनीहरू हिउँ पहिरोमा पुरिएका थिए।
हेलिकोप्टरमार्फत धवलागिरि आधार शिविर पुगेर फर्केका म्याग्दी दानाका इन्द्रसिंह शेरचनका अनुसार सोलुखुम्बुको सोलदूधकुण्ड नगरपालिका–१ नुथला फुलेली गाउँका २० वर्षीय अमृत राई बेपत्ता भएका हुन्।
अमृतसँगै बेपत्ता भएका सोही ठाउँका धिरज राई र अर्जुन राईको शनिबार शेर्पाहरूको टोलीले सकुशल उद्धार गरेर इटली आधार शिविरमा पुर्याएको शेरचनले बताए।
उनीहरू सेभेन समिट ट्रेक काठमाडौँबाट भरियाका रूपमा आधार शिविरमा आएका थिए।
उनीहरू जापानिज आधार शिविर नजिकै हिउँपहिरामा परेका थिए।
प्रतिक्रिया दिनुहोस
सफल खबर संवाददाता
आइतबार, १० बैशाख २०८०, ०८ : ११
लेखकबाट थप
सम्बन्धित समाचारहरु
पौडी खेल्ने क्रममा आँधीखोलामा एक जना बेपत्ता
मलेसियामा बेपत्ता भएका गोपाल आठ वर्षपछि घर आइपुगे
महोत्तरीबाट १५ देखि २० वर्ष उमेर समूहका ५ किशोरी ३ दिनदेखि बेपत्ता
कीर्तिमानी आरोही तेन्जेन शिसापाङ हिमपहिरोमा परी बेपत्ता
सेती नदीमा डुबेर दुई बालक बेपत्ता
सेती नदीमा नुहाउने क्रममा दुई बालक बेपत्ता