गोली चल्दा माओवादी नेता वर्षमान पुनकी आमा घाइते

काठमाडौँ । नेकपा माओवादी केन्द्रका नेता वर्षमान पुनकी आमालाई गोली लागेको छ।

गए राति बालुवाटारमा सहायक हवलदार प्रकाश पुन मगरको पेस्तोल दुर्घटनावस पड्किँदा ७४ वर्षीया तीर्थमाली पुन मगरको खुट्टामा गोली लागेको प्रहरी स्रोतले जनाएको छ।

प्रकाश तीर्थमालीकी नाति हुन्। घाइते तीर्थमालीको ट्रमा सेन्टरमा उपचार हुँदैछ।

प्रकाश कामु प्रधानन्यायाधीश हरिकृष्ण कार्कीको सुरक्षा टिममा कार्यरत रहेका छन्। उनलाई प्रहरी प्रधान कार्यालयमा लगिएको छ।