भरतपुर । भरतपुर महानगरपालिकाको मुख्य दुई सडकमा विद्युत्का तार भूमिगत गरिँदै छ । गोन्द्राङदेखि पुलचोक सडक र बाइपास सडकमा विद्युत्का तार भूमिगत गर्ने काम भइरहेको छ । मेशिनको प्रयोगले जमिनमुनि सुरूङ बनाउने र पाइप बिछ्याउने काम भइरहेको विद्युत् प्राधिकरण भरतपुरले जनाएको छ ।
पहिलो चरणमा ३३ केभी लाइनका तार भूमिगत गर्नका लागि पाइप बिछ्याउने काम गरिएको हो । ३३ केभीका तार भूमिगत गरेपछि ११ केभी र एलटी लाइन क्रमशः भूमिगत गर्ने तयारी छ । विद्युत्का तार भूमिगत गरिएपछि बजार क्षेत्र खुला र सुन्दर देखिने छ ।
३३ केभीका तार भूमिगत गर्न पाइप बिछ्याउने काम सकिन लागेको पोखरा–भरतपुर वितरण प्रणाली सुदृढीकरण आयोजनाको भरतपुर शाखाका इलेक्ट्रिकल सुपरभाइजर सन्दीपविक्रम शाहले बताए । ‘३३ केभीको लाइन ४.५ किमीमा भूमिगत गर्नुपर्ने हो । ३.५ किमीमा पाइप बिछ्याउने काम भइसकेको छ । बाँकी एक किमीमा पनि पाइप बिछ्याएर सकिएपछि केबल हाल्छौँ’, उनले भने ।
उनका अनुसार पाइप बिछ्याएपछि चेम्बरलगायतका संरचनाहरु बनाएर तारलाई पाइपमा घुसाइन्छ । बाइपास सडकमा भरतपुर बसपार्क चोकदेखि भरतपुर आँखा अस्पतालसम्मको सडकखण्डमा पाइप विछ्याउने काम भइरहेको छ । भरतपुर बसपार्क चोकदेखि गोन्द्राङसम्म सडकको एक साइडमा पाइप बिछ्याएर सकिएको छ ।
प्रतिक्रिया दिनुहोस
सफल खबर संवाददाता
सोमबार, २० चैत्र २०७९, १३ : १३
लेखकबाट थप
सम्बन्धित समाचारहरु
भरतपुर महानगरमा कानुनी सचेतना तालिम शुरु
भरतपुर महानगरपालिका र कालिकोट पचालझरना गाउँपालिकाबीच भगिनी सम्बन्ध कायम
६ निर्माण व्यवसायीलाई कालोसूचीमा राख्न भरतपुर महानगरको सिफारिस
विक्रमबाबा मेलाको व्यवस्थापन भरतपुर महानगरले गर्ने
भरतपुरको विकासमा प्रधानमन्त्रीको भूमिकाको जति प्रशंसा गरे पनि कम हुन्छ : रेनु दाहाल
भरतपुर भ्रमण बर्ष २०२४ को तयारी तीव्र: प्रधानमन्त्रीले उद्घाटन गर्ने, सातै प्रदेशका मुख्यमन्त्रीलाई आमन्त्रण