प्रधानमन्त्रीको आधिकारिक ट्वीटर ह्याकरको कब्जामा

काठमाडौँ । प्रधानमन्त्री पुष्पकमल दाहाल ‘प्रचण्ड’ को आधिकारिक ट्वीटर ह्याण्डल ह्याकरको कब्जामा पुगेको छ । 

‘पीएमओ नेपाल’ ट्वीटर ह्याण्डलबाट दुई वटा अनधिकृत पोस्ट रिट्वीट भएको हो । गएराति २ बजे र त्यसको केही समयपछि फेरि अर्को अनधिकृत रिट्वीट भएको हो । 

यस विषयमा प्रधानमन्त्रीका प्रेस संयोजक सूर्य किरणले के भएको हो भन्नेबारे प्राविधिकले अध्ययन गरिरहेको प्रतिक्रिया दिए । बेलाबेलामा सरकारी वेबसाइट र सामाजिक सञ्जालका खाताहरु ह्याकरको निशानामा पर्दै आएका छन् ।