शिक्षा मानव विकासको इतिहास : उप प्रमुख अधिकारी

चितवन । भरतपुर महानगर उप प्रमुख चित्रसेन अधिकारीले शिक्षा मानव बिकासको इतिहास भएको बताएका छन । पृथ्वीमा मानव सभ्यताको विकास भए सगै शिक्षाको पनि बिकास भएको बताउदै उप प्रमुख अधिकारीले शिक्षा बिनाको मानव जिबन अपुर्ण रहने उल्लेख गरे । 

अन्नपूर्ण मा बि पार्बतिपुरको ६२ औ बार्षिकोत्सब तथा अभिभावक दिवस समारोहलाई सम्बोधन गर्दै उप प्रमुख अधिकारीले शिक्षा कै कारण बिश्वले बिकासमा कायापलट हुने गरि बिकास गरिरहेको टिप्पणी गरे । उनले शिक्षा बिनाको बिकास सम्भब नभएको पनि बताए। जहाँ शिक्षा हुन्छ त्यहाँ बिकास हुन्छ उप प्रमुख अधिकारीको भनाइ छ । 

आजको २१ औ शताब्दीको बिश्वलाई परिबर्तन गर्न सक्ने अस्त्र भनेकै शिक्षा भएको बताउदै उनले त्यस्तो अस्त्रलाई पाइन हाल्न शिक्षा कै खाचो पर्ने पनि बताए  । कार्यक्रममा बिद्यालयका प्रध्यानाध्यापक बटुकलाल तामाङले बिद्यालयको बार्षिक प्रतिबेदन प्रस्तुत गरेका थिए । 

त्यस्तै कार्यक्रममा बिद्यालय ब्यबस्थापन समितिका सदस्य सुमित्रा न्यौपाने,भुतपुर्व प्रध्यानाध्यापक शिव बहादुर गुरुङ,बिद्यालयका भुतपुर्व विद्यार्थी बाबुराम भट्टराई, शिक्षा बिकास तथा समन्वय इकाई भरतपुरका प्रमुख भुमिलाल सुवेदी लगाएतले मन्तव्य व्यक्त गरेका थिए।