काठमाडौं । पाल्पामा ट्याक्टर दुर्घटनामा एक जनाको मृत्यु भएको छ भने चार जना घाइते भएका छन् । मृत्यु हुनेमा रम्भा गाउँपालिका वडा नम्बर १ हुँगीका १७ वर्षीय विशाल थापा रहेको प्रहरीले जनाएको छ ।
आइतबार राति कालीगण्डकी कोरिडोर अन्तर्गत पिपलडाँडाबाट हुँगीतर्फ जाँदै गरेको लु४त ७९१६ नम्बरको ट्याक्टर दुर्घटना भएको हो ।
ट्याक्टर आफैँ अनियन्त्रित भई सडकबाट १५ मिटर तल खसेपछि घाइते भएका थापाको तानसेनस्थित लुम्बिनी मेडिकल कलेजमा उपचारका क्रममा मृत्यु भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए ।
प्रतिक्रिया दिनुहोस
सफल खबर संवाददाता
सोमबार, २५ पुस २०७९, १० : ३९
लेखकबाट थप