राप्रपाले भन्यो – ‘हामी सरकारलाई समर्थन गर्छौँ, तर सहभागी हुँदैनौँ’

काठमाडौं । राष्ट्रिय प्रजातन्त्र पार्टी (राप्रपा) अध्यक्ष राजेन्द्र लिङ्देनले पुष्पकमल दाहाल ‘प्रचण्ड’ नेतृत्वको नयाँ सरकारलाई समर्थन गर्ने तर आफूहरु सरकारमा नजाने बताएका छन।

यतिबेला नयाँ वानेश्वरस्थित संसद भवनमा सर्वदलीय बैठब बसिरहेको छ । उक्त बैठकमा जानुअघि पत्रकारहरुसँग बोल्दै अध्यक्ष लिङ्देनले राप्रपा तत्काल सरकारमा नजाने बताएका हुन् ।

यसअघि राप्रपाले सरकारमा जान चार शर्त पेश गरेको थियो । उसले सरकारमा जानका लागि पृथ्वीनारायण शाहलाई राष्ट्रपिता घोषणा, राजसंस्थासहितको हिन्दू राष्ट्र कायम तथा संघीयता र धर्मनिरपेक्षता खारेज गर्नुपर्ने माग राखेकाे छ ।