नेपाल एयरलाइन्सको जहाज बंगलादेशमा आकस्मिक अवतरण

काठमाडौं । नेपाल एयरलाइन्सको जहाजलाई बंगलादेशको चटगाउँ अन्तर्राष्ट्रिय विमानस्थलमा आकस्मिक अवतरण गराइएको छ । काठमाडौंबाट थाइल्याण्डका लागि उडेको विमानमा प्राविधिक समस्या देखिएपनि बंगलादेशमा आकस्मिक अवतरण गराइएको हो ।

एयरलाइन्सको न्यारोबडी जहाजको इण्डिकेटरले कार्गो कम्पार्टमेन्टमा धुवाँ देखिएको संकेत गरेपछि आकस्मिक अवतरण गराइएको एयरलाइन्सका सहायक प्रवक्ता गणेशकुमार घिमिरेले जानकारी दिए । जहाजमा १५२ जना यात्रु सवार रहेको बताइएको छ । जहाज चेकजाँच गर्दा कुनै खराबी नभएकाले पुनः बैंक उडान भर्ने तयारी भएको छ ।