एजेन्सी । उत्तर प्रदेशको कानपुरमा ट्रयाक्टर पल्टिँदा २६ जनाको मृत्यु भएको छ भने कैयौँ घाइते भएका छन् । घाटमपुर क्षेत्रमा श्रद्धालु बोकेको ट्रयाक्टरको ट्रली गाउँ नजिकै पानीले भरिएको सडक छेउको खाल्डोमा खसेर दुर्घटना भएको हो ।
कानपुर जिल्ला मजिस्ट्रेट विशाख जी अय्यरले पत्रकारहरूलाई भने, ’मृतकमा १४ महिला र बाँकी बालबालिका रहेका छन् । प्रत्यक्षदर्शीका अनुसार ट्रयाक्टर ट्रली पल्टिएर सडकको छेउमा पानी भरिएको खाल्डोमा खसेको थियो ।’
यद्यपि दुर्घटनाको कारणबारे थप विवरण आउन बाँकी छ । समाचार एजेन्सी पीटीआईका अनुसार उक्त ट्र्याक्टर ट्रलीमा करिब ५० जना सवार थिए । उनीहरू फतेहपुरको चन्द्रिका देवी मन्दिरमा मुन्डन कार्यक्रममा सहभागी भई घाटमपुर फर्किएका थिए । एक वरिष्ठ अधिकारीलाई उद्धृत गर्दै पीटीआईले कम्तीमा १२ जनाको घटनास्थलमै मृत्यु भएको बताएको छ।
राज्यका मुख्यमन्त्री योगी आदित्यनाथले घटनाप्रति दुःख व्यक्त गरेका छन् र अधिकारीहरूलाई छिटोभन्दा छिटो घटनास्थलमा पुगेर युद्धस्तरमा राहत कार्य गर्न निर्देशन दिएका छन् । घाइतेहरुलाई नजिकैको अस्पतालमा भर्ना गरिएको छ ।
प्रतिक्रिया दिनुहोस
एजेन्सी
आइतबार, १६ असोज २०७९, ०८ : ४४
लेखकबाट थप
सम्बन्धित समाचारहरु
सेती नदीमा डुबेर एकजनाको मृत्यु
मोटरसाइकलको ठक्करबाट पैदलयात्रीको मृत्यु
रोकिराखेको बसमा मोटरसाईकल ठोक्किदा युवकको मृत्यु
ललितपुरमा ग्याङ फाइट हुँदा दुई युवकको मृत्यु
नुहाउनेक्रममा नदीमा डुबेर एक बालिकाको मृत्यु
स्याङ्जामा करेन्ट लागेर १ जनाको मृत्यु