भारतले निकाल्यो शानदार जित, अष्ट्रेलिया ४ विकेटले पराजित

सफल खबर संवाददाता

शनिबार, ०८ असोज २०७९, ०७ : ५०
भारतले निकाल्यो शानदार जित, अष्ट्रेलिया ४ विकेटले पराजित

एजेन्सी । घरेलु टोली भारतले अष्ट्रेलियाविरुद्धको दोस्रो टी-ट्वान्टी खेल जितेको छ ।

नागपुरमा शुक्रबार राति भएको खेलमा भारतले अष्ट्रेलियालाई ६ विकेटले पराजित गरेको हो । योसँगै तीन टि २० आई खेलको सिरिज १-१ को बराबरी अवस्थामा पुगेको छ ।

जितका लागि ९१ रनको विजयी लक्ष्य पछ्याएको भारतले ७.२ ओभरमा ४ विकेट गुमाउँदै पूरा गर्यो । कप्तान रोहित शर्माले २० बलमा अविजित ४६ रन बनाए । विराट कोहलीले ११ तथा केएल राहुलले १० रन बनाए । दिनेश कार्तिकले अविजित १० रन बनाए ।

अष्ट्रेलियाका लागि एडम जाम्पाले ३ विकेट लिए । त्यसअघि टस हारेर पहिला ब्याटिङ गरेको अष्ट्रेलियाले निर्धारित ८ ओभरमा ५ विकेट गुमाउँदै ९० रन बनाएको थियो । अष्ट्रेलियाका लागि म्याथ्यु वेडले २० बलमा अविजित ४३ रन बनाए । कप्तान आरोन फिन्चले १५ बलमा ३१ रन बनाए ।

भारतका लागि अक्षर पटेलले २ तथा जसप्रित बुमराहले १ विकेट लिए । तेस्रो तथा अन्तिम खेल आइतबार राजिव गान्धी स्टेडियम हैदराबादमा हुनेछ ।

प्रतिक्रिया दिनुहोस