सेयर बजार सामान्य वृद्धि, १ अर्ब ५२ करोडको कारोबार

काठमाडौं । साताको चौथो कारोबार दिन बुधबार सेयर बजार सामान्य वृद्धि भएको छ । बजार मापन गर्ने सूचक २.८७ अंकले बढेर परिसूचक २०५७.८५ बिन्दुमा रोकिएको छ ।

कारोबारमा बैंकिङ समूहको उपसूचक २.५८, विकास बैंक ८.७०, जलविद्युत ११.६१, जीवन बीमा ६३.३१, माइक्रोफाइनान्स समूहको उपसूचक ९.५१ अंकले बढेको छ । वित्त कम्पनी ५.४४, उत्पादन तथा प्रशोधन ९.४५, निर्जीबन बीमा १५.१७, अन्य ६.९१, ट्रेडिङ समूहको उपसूचक २२.२४ अंकले घटेको छ ।

आज २२३ कम्पनीको ३६ लाख ७८ हजार ७०५ कित्ता सेयर १ अर्ब ५२ करोड ६१ लाख ८६ हजार २१८ रुपैयाँको सेयर किनबेच भएको छ ।