एमालेको तयारी : आगामी निर्वाचनमा पार्टीबाट उम्मेदवार बन्न आवस्यक मापदण्ड

सफल खबर संवाददाता

मंगलबार, ०७ भदौ २०७९, ११ : १८
एमालेको तयारी : आगामी निर्वाचनमा पार्टीबाट उम्मेदवार बन्न आवस्यक मापदण्ड

काठमाडौ । नेकपा एमालेले मंसिर ४ मा प्रतिनिधि सभा र प्रदेश सभा सदस्य निर्वाचनमा पार्टीबाट उम्मेदवार बन्न आवस्यक मापदण्ड तोक्ने भएको छ । 

आन्तरिक तयारी पूरा गरेर निर्वाचनमा होमिने योजनामा रहेको सो पार्टीको आज बस्ने स्थायी कमिटी बैठकमा त्यसबारे छलफल गर्नेछ । 

‘स्थायी कमिटिले केन्द्रीय कमिटी बैठकमा छलफल र पास गर्ने प्रस्ताव तय गर्छ । त्यसमा उम्मेदवारको मापदण्डबारे छलफल गर्छ’, एमाले केन्द्रीय कार्यालय सचिव भिष्म अधिकारीले भने, ‘त्यसबाहेक सांगठानिक विषयमा समेत छलफल हुन्छ ।’

एमालेले निर्वाचन केन्द्रीत बैठक डाकेको छ । जसमा भदौ ९ गते पोलिट्ब्युरो तथा भदौ १० र ११ गते केन्द्रीय कमिटी बैठक बोलाएको छ ।