दाङमा सवारी दुर्घटना हुदा दुुई जनाको मृत्यु

दाङ । दाङको घोराहीमा सवारी दुर्घटना हुदा दुुई जनाको मृत्यु भएको छ । अन्य दुुई जना घाईते भएका छन् । मृत्यु हुनेमा मोटरसाईकल चालक घोराही उपमहानगरपालिका वडा नम्बर १५ का ३५ वर्षिय गंगा बहादुर कवर र साईकलयात्री सोही वडाका १६ वर्षिय रितेश केसी रहेका छन ।

उनीहरु दुबैको उपचारको क्रममा मृत्युु भएको जिल्ला प्रहरी कार्यालय दाङले जनाएको छ । आज बेलुकी पौने ९ बजेतिर सौडियारबाट घोराही तर्फ आउदै गरेको  रा ३ प २९२२ मोटरसाईकलले घोराही ७ बेसाही नजिक २ वटा साईकललाई ठक्कर दिँदा दुुई जनाको मृत्यु भएको हो भने अन्य दुुई जना घाईते भएका जिल्ला प्रहरी कार्यालय दाङका प्रमुख सुरेश काफ्लेले जानकारी दिए ।

घाईते हुनेमा मोटरसाईकलमा सवार घोराही उपमहानगरपालिका वडा नम्बर ७ बस्ने ३८ वर्षिय बसन्त चौधरी र अर्का साईकलयात्री सोही ठाउँका १५ वर्षिय बिनोद भण्डारी रहेको छन् ।