बागमती प्रदेश सरकारले रासायनिक मल कारखानाको सम्भाव्यता अध्ययन गर्ने

काठमाडौं । बागमती प्रदेश सरकारले आगामी आर्थिक वर्ष २०७९–८० मा रासायनिक मल कारखानाको सम्भाव्यता अध्ययन गर्ने भएको छ । प्रदेशका आर्थिक मामिला तथा योजना मन्त्री शालिकराम जमकट्टेलले आगामी वर्ष प्रदेशमा रासायनिक मल कारखानाको सम्भाव्यता अध्ययन गर्ने जानकारी दिएका हुन् ।

उनले आगामी वर्षको बजेट घोषणा गर्दै भने, ‘प्रदेश भित्र सम्भाव्यताको आधारमा रासायनिक मल र कृषि औजार कारखाना स्थापना गर्ने प्रक्रिया अगाडी बढाइने छ ।’ खासगरी, पछिल्लो समय देशमा किसानले रासायनिक मल नपाएका कारण संघीय तथा प्रदेश सरकारहरू तनावमा छन् ।

त्यसैले यो समस्यालाई सँधैका लागि समाधान गर्न मल कारखाना स्थापनाको योजना प्रदेश सरकारले ल्याएको हो ।