कपिलवस्तुमा ट्याङ्करको ठक्करबाट पैदलयात्रीको मृत्यु

सफल खबर संवाददाता

मंगलबार, १७ जेठ २०७९, ११ : ००
कपिलवस्तुमा ट्याङ्करको ठक्करबाट पैदलयात्रीको मृत्यु

कपिलवस्तु । कपिलवस्तुको कृष्णनगर नगरपालिका–७ जौबारीमा सोमबार बेलुका ट्याङ्करको ठक्करबाट पैदलयात्रीको मृत्यु भएको छ । 

मृत्यु हुनेमा स्थानीय ५५ वर्षीय महोमद हनिक रहेका छन् । ठक्करबाट गम्भीर घाइते भएका उनको उपचारका क्रममा बहादुरगञ्ज स्थित शिबराज अस्पतालमा मृत्यु भएको प्रहरीले जनाएको छ । 

पैदल हिँडिरहेका उनलाई हिजो बेलुकी ७ बजे ना २ क ८१८ नम्बरको पानी ट्याङ्करले ठक्कर दिएको थियो ।ट्याङ्करसहित चालकलाई ईलाका प्रहरी कार्यालय बहादुरगञ्जले नियन्त्रणमा लिएको छ ।