प्रवीण कुमार
चितवन । चित्रसेन अधिकारी नाम त्यति चर्चामा नभएपनि भरतपुर महानगर वडा नं. २१ को निवर्तमान वडाध्यक्ष हुन् । अधिकारी एक कार्यकाल वडाध्यक्ष भएर यही नगरभित्र काम गरिसकेका छन् । आफ्नो वडाभित्र विकास निर्माणमा गतिशिल र स्थानियको आवश्यकता अनुरुप गरि काम गरेकाले उनी जनताबाट अनुमोदित भई यसपटक भरतपुर महानगरको उपप्रमुखमा निर्वाचित भएका छन् । संगठनभित्र कुशल कार्यशैली भएकै कारण पनि काँग्रेसले उपप्रमुखमा लड्न उनैलाई टिकट दिएको थियो ।
सत्तारुढ ५ दलिय गठबन्धनबाट चुनावमा होमिएका अधिकारी महानगर भित्र खसेको कुल मत १ लाख २७ हजार ५६८ मत मध्ये ५२ हजार ८०३ मत ल्याउदैं विजयी भएका हुन् । उनले निकटमत प्रतिद्धन्द्धी एमाले र राप्रपा गठबन्धनका उम्मेदवार हिमला गुरुङलाई २२ हजार १९१ मतले पछाडी पारे । गुरुङले ३० हजार ६१२ मतमा चित्त बुझाउन बाध्य भईन् । निर्वाचित अधिकारी राजनितिकर्मीसँगै सामाजिक अभियन्ता समेत हुन् ।
चित्रसेनको जिवनी
वि.सं. २०२४ साल जेठ १ गते बुवा हर्क बहादुर अधिकारी र आमा दुर्गा कुमारी अधिकारीको पहिलो सन्तानको रुपमा साबिक पार्वतपुर गाविस–९ हाल (भरतपुर २१) मा जन्मेका जन्मिएका हुन् । अधिकारीले राजनितिक शास्त्रमा स्नातक सम्मको अध्ययन पुरा गरेका छन ।
२०३८ सालबाट नेपाली काँग्रेसको राजनैतिक यात्रामा होमिएका अधिकारी २०४२ सालको सत्याग्रहमा सहभागी भएर नेतृत्व गरेका थिए । २०४६ सालको जनआन्दोलनमा हिरासतमा लामो समय आफ्नो जीवन बिताएका अधिकारी पार्टीका सबै कार्यक्रमहरुमा अग्रपक्तिमा रहेर नेतृत्व गर्दै आइरहेका छन । २०६२–६३ को आन्दोलनको नेतृत्व गरेर समाजमा उनको निकै प्रशंशा समेत भएको थियो ।
अधिकारी काङ्ग्रेसको ११ औ माहाधिबेशनमा क्षेत्रिय प्रतिनिधि छानिदैं १२ औ महाधिबेशनमा क्षेत्रिय सदस्य हुँदै राजनीतिक यात्रामा आफुलाइ निखार्दैै पार्टीको १३ औ माहाधिबेशनमा जिल्ला सदस्य बनेका थिए । १४ औ महाधिबेशनमा भरतपुर महानगरको सभापति जस्तो गरिमामय पदमा निर्वाचित भएका थिए । बिसं. २०५४ को बहुदल प्राप्ति पछिको साबिक पार्बतिपुर गाबिसको वडा न ७ को वडा अध्यक्ष, २०७४ सालको स्थानीय निर्वाचनको भरतपुर २१ को वडाअध्यक्ष हुँदै महानगरको दलिय नेताको रुपमा रहि कार्य सम्पादन गरिसकेका छन ।
पार्बतिपुर खानेपानी उपभोक्ता समितिको वर्तमान अध्यक्ष , अन्नपूर्ण कलेजको संस्थापक सदस्य, पार्बतिपुर स्वास्थ्य चौकिको व्यवस्थापन समितिको अध्यक्ष समेत भईसकेका छन् । अधिकारी भरतपुर माहानगरपालिकाको उपमेयर पदमा निर्वाचित भएसँगै वडाबासी समेत खुसी र दंग छन् । निर्वाचित भएसंगै समग्र नगरको विकासको भारी भने उनको काँधमा थपिएको छ । चुनाव अघि गरेको प्रतिबद्धता कार्यान्वयमा नागरिकले चासो दिएर हेर्ने भएकाले त्यता तर्फ प्रमुखताका साथ उनले ध्यान दिनैपर्छ । अबको ५ वर्षेकाल उपमेयर अधिकारीको सफल रहोस, शुभकामना ।
प्रतिक्रिया दिनुहोस
सफल खबर संवाददाता
मंगलबार, १० जेठ २०७९, १० : ०२
लेखकबाट थप
सम्बन्धित समाचारहरु
चितवनमा विषादी प्रयोगबारे किसानलाई सचेतना
भरतपुरमा वैशाखदेखि मेयर कप फुटबल हुने, मुख्य प्रायोजनमा सेन्ट्रल कलेज
भूकम्प पीडितलाई भरतपुर महानगरको एक करोड सहयोग
भरतपुर हेल्थ हबको रूपमा बिकास हुँदै गएको छ: प्रधानमन्त्री प्रचण्ड
भरतपुर महानगर प्रमुख दाहाललाई बेलायत जान मन्त्रिपरिषद्ले दियो अनुमति
भरतपुरमा दुई वटा डिप बोरिङ र १८ वटा स्यालो ट्युबेलको उद्घाटन