काठमाडौं । जिम्बाब्वे ‘ए' विरुद्धको तीन टी-२० खेलको शृंखलाअन्तर्गतको पहिलो खेलमा आज मैदान उत्रदा नेपाल प्रतियोगितामा उत्कृष्ट सुरुआत गर्न चाहन्छ ।
अमेरिकामा जुनमा आयोजना हुने विश्वकप क्रिकेट लिग(२ अन्तर्गतको त्रिकोणात्मक शृंखलाको तयारीमा रहेको नेपालले त्यसैको तयारीस्वरुप जिम्बाब्वेसँग तीन टी-२० र तीन एक दिवसीय शृंखला आयोजना गरेको हो ।
नेपालले चैत पपुवा न्यु गिनी (पीएनजी) विरुद्धको दुई एक दिवसीय खेलको शृंखला २-० ले गुमाएको थियो । पिएनजी र मलेसियासम्मेलित त्रिकोणात्मक टी-२० खेलको शृंखला भने नेपालले जितेको थियो । त्यसैले नेपाल आफ्नो जित यात्रा कायम राख्न चाहन्छ ।
नेपालले शनिबार जिम्बाब्वेविरुद्धको तीन एक दिवसीय शृंखलाअन्तर्गतको पहिलो खेल खेल्ने तालिका थियो । तर लगातारको वर्षाका कारण सो खेल रद्द गरिएको थियो । नेपाल क्रिकेट संघ९क्यान०ले शनिबारै पूर्वनिर्धारित खेल तालिका परिवर्तन गर्दै पहिला टी-२० शृंखला खेलाउने भन्दै तालिका सार्वजनिक गरेको थियो ।
खेल दिउँसो एक बजे कीर्तिपुरस्थित त्रिभुवन विश्वविद्यालयको क्रिकेट मैदानमा सुरु हुनेछ । क्यानले शनिबार मात्र ट्वान्टी-२० शृंखलाका लागि सन्दिप लामिछानेको कप्तानीमा १६ सदस्यीय टोलीको घोषणा गरेको थियो ।
प्रतिक्रिया दिनुहोस
सफल खबर संवाददाता
आइतबार, १८ बैशाख २०७९, ०८ : ५८
लेखकबाट थप
सम्बन्धित समाचारहरु
आयरल्यान्ड ए ले नेपाल ए लाई दियो २२२ रनको लक्ष्य
नेपाल ‘ए’ र आयरल्यान्ड 'ए'बीचको पहिलो टी-२० खेल आज
नेपाल र भारतबीच विद्युत् आयात सम्झौता नवीकरण
नेपाल ‘ए र आयरल्याण्ड ‘ए बीचको पहिलो टी-२० खेल आज
आयरल्याण्ड ए विरुद्ध नेपालले पायो १२२ रनको लक्ष्य
आयरल्यान्ड ‘ए’ विरुद्ध नेपालले पहिले बलिङ गर्ने