चितवनमा ठूला राजनीतिक दलले भोलि मात्रै मनोनयन दर्ता गर्ने

चितवन । चितवनमा ठूला राजनीतिक दलले भोलि मात्रै मनोनयन दर्ता गर्ने भएका छन् । आज साना तथा स्वतन्त्र दलहरुले मनोनयन गरेका हुन् । भरतपुर महानगरमा २ जना स्वतन्त्रसहित ६ भन्दाबढी दलहरुले अहिले सम्म मेयर र उपमेयरमा मनोनयन गरिसकेका छन् ।

प्रमुख निर्वाचन अधिकृतको कार्यालयमा पुगेर साना दलहरुले भरतपुर महानगरको मेयर र उपमेयर तथा वडा अध्यक्षका लागी मनोनयन दर्ता गराएका हुन् । विप्लव नेत्तृत्वको नेकपाले पनि भरतपुर महानगरसहित रत्ननगरमा पनि मेयरको उम्मेदवारी दिने तयारी गरेको छ । विप्लव नेत्तृत्वको नेकपाले पनि भोलि मनोनयन दर्ता गर्ने जनाएको छ ।

भरतपुर महानगरमा भोलि १ बजे अगाडि नेकपा एमाले र राप्रपाको गठबन्धन र १ बजेपछि काग्रेस र माओवादी केन्द्रको गठबन्धनले मनोनयन दर्ता गर्ने कार्यतालिका रहेको माननिय न्यायधीश तथा मुख्य निर्वाचन अधिकृत प्रकाश कुमार अधिकारीले बताए ।