भरतपुर महानगरपालिकाको मेयर नपाएपछि कांग्रेसका नेताहरुले गरे सभापतिको कार्यकक्षमा तालाबन्दी

चितवन । भरतपुर महानगरपालिकाको मेयर नपाएपछि कांग्रेसका नेताहरुले पार्टीका जिल्ला सभापति राजेश्वर खनालको कार्यकक्षमा तालाबन्दी गरेका छन्।

भरतपुरको मेयर माओवादी केन्द्रलाई दिने निर्णयप्रति असन्तुष्ट नेता तथा कार्यकर्ताहरुले नारायणगढको कमलनगरस्थित पार्टी कार्यालयमा रहेको सभापतिको कार्यकक्षमा नेताहरुले तालाबन्दी गरेका हुन्।

केन्द्रीय गठबन्धनले भरतपुरको मेयर माओवादीलाई छोड्ने निर्णय गरिसकेको छ । तर केन्द्रको निर्णयमा चितवन कांग्रेसका नेता तथा कार्यकर्ताले असन्तुष्टी जनाईरहेका छन् ।