सत्तारुढ दलबीच तालमेल हुने निर्णयले जनविरोधीहरुको निन्द्रा हरायो : माधवकुमार नेपाल

सफल खबर संवाददाता

आइतबार, २० चैत्र २०७८, १३ : ०८
सत्तारुढ दलबीच तालमेल हुने निर्णयले जनविरोधीहरुको निन्द्रा हरायो : माधवकुमार नेपाल

धनगढी । नेकपा एकीकृत समाजवादीका अध्यक्ष माधवकुमार नेपालले स्थानीय तहको निर्वाचनमा सत्तारुढ दलबीच तालमेल हुने निर्णयले जनविरोधीहरुको निन्द्रा हराएको टिप्पणी गरेका छन् ।

आइतबार समाजवादी प्रेस संगठनले धनगढीमा आयोजना गरेको पत्रकार सम्मेलनमा बोल्दै अध्यक्ष नेपालले चुनावी तालमेलको निर्णयले नागरिक भने उत्साहित भएको दावी गरे ।

‘विन–विनको अवस्थामा चुनावी तालमेल गर्ने सकारात्मक सहमतिले जनता उत्साहित भएका छन्,’ अध्यक्ष नेपालले भने, ‘तर जनविरोधीको मुख चाउरिएको छ, निन्द्रा हराएको छ । जे पायो त्यही बर्बराउन थालेका छन् । जथाभावी बोल्न थालेका छन् । बेहोस हुुन बेर छैन ।’

अध्यक्ष नेपालले अहिले नेकपा एकीकृत समाजवादी पार्टीमा प्रवेश गर्नेहरुको लहर नै चलेको दाबी गरे । संविधानको रक्षा र संघीयता जोगाउने काम एकीकृत समाजवादी पार्टीले गरेकाले सबैतिर प्रशंसा भइरहेको उनको जिकिर थियो ।

प्रतिक्रिया दिनुहोस