भीम रावलमाथि खनिए प्रधानमन्त्री देउवा

काठमाडौं । मिलेनियम च्यालेन्ज कर्पोरेसन (एमसीसी)को विषयमा प्रधानमन्त्री शेरबहादुर देउवा एमाले नेता भीम रावलमाथि खनिएका छन् । 

नुवाकोटको किस्पाङ गाउँपालिकाको प्रशासनिक भवनको उद्घाटन समारोहमा प्रधानमन्त्री देउवाले एमसीसीबारे रावलले दुई जिब्रे कुरा गरेको आरोपसमेत लगाए । रावल मन्त्री हुँदा एमसिसीको विरोध नगरेको तर अहिले विरोध गरेको देउवाको भनाई छ । 

‘आफू क्याबिनेटमा हुँदा पास गरेर संसदमा ल्याउने। मैले ओलीजीले ल्याएको प्रस्ताव पास गर्न खोज्दा किन टाउको दुखाउने ? अरूलाई टाउको दुखेको छैन, भीम रावललाई टाउको दुख्यो। उहाँ त्यसबेला मन्त्री हुनुहुन्थ्यो। उसबेला दिमाग खुस्किएको थियो ? थाहा छैन भन्ने ठान्नुहुन्छ यहाँ ?’ देउवाले भने । 

रावल रक्षामन्त्री छँदा मन्त्रिपरिषद्ले एमसीसीबारे महत्वपूर्ण निर्णय गरेको भन्दै प्रधानमन्त्री देउवाले झूठो कुरा नगर्न रावललाई चेतावनीसमेत दिएका छन्।