बाबुराम भट्टराईको टिप्पणी : राजनीतिक तथा सामाजिक मुद्धामा भेडाको खोल ओढ्ने ब्वाँसाहरू बढी खतरनाक

काठमाडौं । जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले राजनीतिक तथा सामाजिक मुद्धामा भेडाको खोल ओढ्ने ब्वाँसाहरू बढी खतरनाक हुने टिप्पणी गरेका छन् ।

आइतवार सामाजिक संजालमा प्रतिक्रिया व्यक्त गर्दै डा. भट्टराईले निजी तथा दलीय वा गुटीय स्वार्थका निम्ति दोहोरो भूमिका खेल्नेहरू दुश्मन भएको समेत बताएका छन् ।  यसअघि उनले कुनै पनि राजनीतिक वा सामाजिक मुद्धामा पक्ष र विपक्ष हुनु स्वभाविक भएपनि दोहोरो भूमिका खेल्नेहरू दुश्मन नै हुने बताएका छन् । 

उनले लेखेका छन्, ‘कुनैपनि राजनीतिकरसामाजिक मुद्दामा पक्ष र विपक्ष हुनु स्वाभाविक कुरा हो । पक्ष र विपक्षमा हुने दुवैले आफ्नो सोच र निष्ठाको धर्म निर्वाह गर्छन् । तर आफ्नो निजीरदलीय र गुटीय स्वार्थ निम्ति दोहोरो भूमिका खेल्नेहरू समाजका दुश्मन हुन् ! भेडाको खोल ओढ्ने ब्वॉसाहरू बढी खतरनाक हुन्छन् भन्ने बुझौँ ।'