काठमाडौँ । स्थानीय तह निर्वाचनको तयारी गर्न माओवादी केन्द्रका अध्यक्ष पुष्पकमल दाहालले पार्टीका तल्लो तहका कमिटीलाई सम्भावित उमेदवारको रोस्टर तयार पारेर पठाउन पत्रचार गरेका छन् । पार्टीबाट सम्भावित उम्मेदवारको रोस्टर तयार गर्नका लागि दाहालले स्थानीय र जिल्ला कमिटीहरूलाई निर्देशन दिएका छन् ।
दाहालले जारी गरेको परिपत्रमा भनिएको छ, ‘वडामा सक्षम, इमानदार र लोकप्रिय उम्मेदवारहरूको रोस्टर तयार गर्ने ।’ वडामा सकरात्मक प्रभाव पार्ने व्यक्ति, शिक्षक, कर्मचारी, स्थानीय क्लबमा आबद्ध युवाहरू, विभिन्न धार्मिक समूह र प्रतिष्ठानमा आबद्ध व्यक्ति, ज्योतिष, धामीझाँक्री र धर्म गुरुहरूको नामावली संकलन गर्न र उनीहरूको राजनीतिक झुकावको पहिचान गर्न पनि परिपत्रमा उल्लेख छ । त्यस्तै, स्थानीय तहका मतदाताको नामावली तयार गर्न र उनीहरूको राजनीतिक झुकाव पहिचान गर्न निर्देशन छ।
दाहालको परिपत्रमा जिल्ला समन्वय समिति, नगर र गाउँ, वडा लगायत सबै तहका पार्टी समितिहरू र विधानले व्यवस्था गरे बमोजिम सबै तहका ज्येष्ठ कम्युनिस्ट मञ्च, सल्लाहकार समिति, परिषद् र विभागहरूलाई पूर्णता दिन भनेका छन् । ‘एक वडा, तीन टोल र एक टोल तीन सेल’ को समिति गठन गर्ने पार्टी निर्णय लागू गर्न पनि दाहालले परिपत्र जारी गरेका छन् । संगठित सदस्यलाई पार्टी समिति, विभाग र निकायमा संगठित गर्न पनि परिपत्रमा उल्लेख छ ।
स्थानीय तहको निर्वाचनलाई लक्षित गरी सम्भव भएसम्म केन्द्रीय सदस्य र प्रदेश पदाधिकारीको सहभागितामा प्रदेशको बैठक तत्काल बस्न पनि परिपत्रमा उल्लेख छ । जिल्ला समन्वय समितिको बैठक फागुन १२ गतेसम्म बस्न पनि भनिएको छ ।
प्रतिक्रिया दिनुहोस
सफल खबर संवाददाता
सोमबार, ०९ फागुन २०७८, १९ : ३५
लेखकबाट थप
सम्बन्धित समाचारहरु
वामपन्थी शक्तिहरू एकता र ध्रुवीकरणको अभियानमा लामवद्ध हौं : प्रधानमन्त्री प्रचण्ड
प्रधानमन्त्रीको उपस्थितिमा १६औँ योजनाका विषयमा छलफल
गौतमबुद्ध अन्तर्राष्ट्रिय क्रिकेट रंगशालाका लागि आवश्यक बजेट उपलब्ध हुन्छ: प्रधानमन्त्री प्रचण्ड
भरतपुर आधुनिक सहरका रूपमा विकास भइरहेको छ : प्रधानमन्त्री प्रचण्ड
बालुवाटारमा प्रचण्ड, देउवा र ओलीबीच भेटवार्ता
सोच विचार गरेर नै नयाँ गठबन्धन बनाइएको हो : प्रधानमन्त्री प्रचण्ड