प्रचण्डले भने : ‘एमसिसीको विरोधमा प्रदर्शनकारी माथि भएको प्रहरी दमनको विरोध गर्छु’

काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले एमसिसी टेबलको विरोधमा उत्रिएका प्रदर्शनकारी माथि भएको प्रहरी दमनको विरोध गरेका छन् । 

सत्ता साझेदार समेत रहेका उनले सामाजिक संजालबाट विरोध जनाउदैं प्रदर्शनका क्रममा घाईते भएकाहरुको शिघ्र स्वास्थ्यलाभको कामना समेत छन् । उनले भनेका छन्, ‘एमसिसी विवाद र बिरोधका बीच सरकारले टेबुल गरेको छ, हाम्रो पार्टी र संसदिय दलले यसको विपक्षमा उभिने आफ्नो मत पहिले नै स्पष्ट गरिसकेको छ।’ 

एमसीसी टेबल भएपछि प्रक्रिया पुरा गरेर भोटिङमा जान समय लाग्ने र त्यतिबेलासम्म माओवादी सरकारमै रहने र भोटिङको बेला भने विपक्षमा मतदान गर्ने माओवादीको तयारी छ।