काठमाडौं । नेकपा एमालेका सचिव योगेश भट्टराईले नेकपा एमालेभित्रको समूह भनेकै नेकपा एमाले रहेको बताएका छन् । आज पत्रकारसँग कुराकानी गर्दै उहाँले आफू १०औँ महाधिवेशनमा सचिवको उम्मेद्वार रहने र अहिलेनै माथिल्लो पदमा जान नखोजेको बताए ।
उनले भने,“लामो यात्रामा हिँड्दा कहिलेकाहीँ चौतारीमा बस्नुपर्छ । म अहिले चौतारीमा बस्दै छु । सचिव पदमा उठ्ने तयारी गरेको छु ।” उनले अहिलेनै माथिल्लो पदमा जान खेज्नु लुडोमा छिटोछिटो माथि चढेर तल झर्ने सम्भावना भए झै हुने बताए ।
एमालेको १०औंँ महाधिवेशनको तयारी अन्तिमचरणमा पुगेको उनको भनाइ थियो । उद्घाटन सत्रका लागि मञ्च व्यवस्थापनको काम र बन्द सत्रका लागि हल निर्माणको काम अन्तिम चरणमा पुगेको भन्दै उहाँले नारायणी नदी किनारमा गैँडाकोट तर्फ पनि बसेर हेर्नका लागि व्यवस्था गरिएको जानकारी दिए । अहिले नेपालको सम्पूर्ण ध्यान चितवन केन्द्रित भएको भन्दै उनले प्रतिनिधि र नेता यहाँ आउने क्रम सुरु भएको जानकारी दिए ।
प्रतिक्रिया दिनुहोस
सफल खबर संवाददाता
बुधबार, ०८ मंसिर २०७८, १६ : २७
लेखकबाट थप
सम्बन्धित समाचारहरु
एमालेले आलोपालो प्रधानमन्त्रीमा दाबी गरेको छैन : योगेश भट्टराई
विश्वविद्यालय उपकुलपति नियुक्ति प्रक्रिया निष्पक्ष भएन : योगेश भट्टराई
ध्यान शिविरहरुका लागि नेपाल विश्वकै उत्कृष्ट गन्तव्य : योगेश भट्टराई
एमालेले आर्थिक–सामाजिक समृद्धिको विशाल खाका तयार पार्छ : योगेश भट्टराई
योगेश भट्टराईको घरअगाडि पहिचानवादीहरूले गरे प्रदर्शन
कर्मचारी सहभागी भए हुने कार्यक्रममा मन्त्री जान थाले : योगेश भट्टराई