दाङमा यात्रुवाहक बस दुर्घटना, २९ जना घाईते

 दाङ । सुर्खेतबाट काठमाडौ आउदैं गरेको यात्रुवाहक बस दाङको लमहीमा दुर्घटना हुँदा २९ जना घाइते भएका छन् ।

सुर्खेतबाट काठमाडौ जाँदै गरेको कर्णाली प्रदेश ०२–००१ ख ०२१९ नम्बरको बस लमही नगरपालिका वडा नम्बर ३ नारायणपुरमा दुर्घटना हुँदा बसमा सवार २९ जना घाइते भएको वडा प्रहरी कार्यालय लमहीले जनाएको छ ।

बसको पट्टा भाँचिएपछि अनियन्त्रित भएर दुर्घटना भएको प्रहरीले जनाएको छ। घाइतेहरूको लमही अस्पतालमा उपचार भएको छ । सातजना घाइतेलाई थप उपचारको लागि बाँके पठाइएको छ ।