महान सुपुत्र जन्माउने आमा बुबा भाग्यमानी हुन् : स्वामी रामदेव

रासस

शुक्रबार, ०३ मंसिर २०७८, २० : ५१
महान सुपुत्र जन्माउने आमा बुबा भाग्यमानी हुन् : स्वामी रामदेव

फाइल फोटो

काठमाडौँ । योगऋषि स्वामी रामदेवले महान सुपुत्रलाई यस धर्तीमा जन्म दिनुहुने आमाबुवा भाग्यमानी भएको बताएका छन् ।

CG Hills

स्याङ्जाको वालिङ–६ भरुवास्थित आयुर्वेद शिरोमणि आचार्य बालकृष्णजी महाराजका पिता जयबल्लभ सुवेदीको आज आयोजित चौरासी पूजामा उनले यस्ता महान सुपुत्र जन्माउने भाग्यमानी आमाबुवाको यसरी नै १०० वर्ष हर्सोल्लाससहित जन्मदिवस मनाउन पाइयोस् भन्ने शुभकामनासमेत व्यक्त गरे ।

सोही अवसरमा आचार्य बालकृष्णजी महाराजले आमाबुबासँगै सशरीर रहेर सेवा गर्न नपाए पनि आफ्नै आमाबुबा जस्तै करोडौँलाई पतञ्जलिमार्फत सेवा गर्न पाएकामा खुसी व्यक्त गरे । आफू अहिले जुन ठाउँमा भए पनि आफ्नो बाल्यकाल बितेको ठाउँको सम्झना, झझल्को आइरहने गरेको उनले बताए ।

योगगुरु रामदेव र आफ्नो शरीर दुई वटा भए पनि विचार, भावना र कर्म एउटै भएको आचार्य बालकृष्णले बताए । नेपालका लागि पतञ्जलिमार्फत थुप्रै योजना बनाएको बताउँदै उहाँले मिलेर कार्य गर्ने धारणा व्यक्त गरे । 

बुबाको सहस्र पूर्णचन्द्र दर्शनका अवसरमा आयोजना गरिएको लघुरुद्री, श्रीमद्भागवत पाठ पारायण, चौरासी पूजा एवं लाखबत्ती (लक्ष्यवर्ती) कार्यक्रममा सहभागी हुन आएका थिए । उनिहरू आज नै काठमाडौँ फर्किएका छन् ।