कर्णाली प्रदेशका तीन जना मन्त्री आज पदमुक्त हुँदै

सफल खबर संवाददाता

सोमबार, १५ कार्तिक २०७८, ०८ : ५४
कर्णाली प्रदेशका तीन जना मन्त्री आज पदमुक्त हुँदै

सुर्खेत । कर्णाली प्रदेश सरकारका तीन जना मन्त्रीहरु आज पदमुक्त हुने भएका छन् । उनीहरु तीनै जना गैर सांसद भएकाले आजदेखि  पदमुक्त हुन लागेका हुन् ।

CG Hills

समाजबादी पार्टीका भौतिक पूर्वाधार तथा शहरी विकास मन्त्री अमर बहादुर थापा, भूमि व्यवस्था, कृषि तथा सहकारी मन्त्री कुर्मराज शाही, र उद्योग, पर्यटन वन तथा वातावरण मन्त्री नन्दसिंह बुढा आज पदमुक्त हुँन लागेका हुन् ।

उनीहरु एमालेमै रहँदा फ्लोर क्रस गरेर मुख्यमन्त्री महेन्द्रबहादुर शाहीलाई विश्वासको मत दिए पछि सांसद पदबाट पदमुक्त भएका थिए । गैरसांसद छ महिना भन्दा बढी मन्त्री बन्न नपाउने कानुनी व्यवस्थाका अनुसार तीनै जना मन्त्रीहरु आज पदमुक्त हुन लागेका हुन् । । एमाले विभाजन भए पछि तीनै जना नेकपा (एकिकृत समाजबादी) मा छन् ।

समाजबादीकी सांसद देवी ओलिले रिक्त रहेको आफ्ना पार्टीका तीन जना मन्त्रीको पदमुक्त भए पनि सोही ठाउँमा फेरि तिनै जना पठाइने बताए । अहिले कर्णाली प्रदेश सभामा समाजबादीका तीन जना सांसद छन् । सांसद देवी ओलीले तीन मन्त्रालय नछोड्ने बताए ।

प्रतिक्रिया दिनुहोस