काठमाडौँ । प्रधानमन्त्री शेरबहादुर देउवाको बोलाएको सर्वदलीय बैठक बालुवाटारमा सुरु भएको छ ।
बैठकमा संसदमा प्रतिनिधित्व गर्ने नेपाली कांग्रेस, नेकपा (एमाले), नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी (जसपा), लोकतान्त्रिक समाजवादी पार्टी (लोसपा), राष्ट्रिय जनमोर्चा, नेपाल मजदुर किसान पार्टी, राष्ट्रिय प्रजातन्त्र पार्टी (राप्रपा) लाई बोलाइएको थियो ।
बैठकमा प्रमुख प्रतिपक्षी दल नेकपा एमालेबाहेकका दलका शीर्ष नेताहरू उपस्थित छन् । बैठकमा कांग्रेसबाट प्रधानमन्त्री एवं सभापति देउवा, कानूनमन्त्री ज्ञानेन्द्रबहादुर कार्की, नेकपा माओवादी केन्द्रबाट अध्यक्ष पुष्पकमल दाहाल प्रचण्ड र नारायणकाजी श्रेष्ठ, नेकपा एकीकृत समाजवादीका उपाध्यक्ष राजेन्द्र पाण्डे र महासचिव वेदुराम भुसाल सहभागी छन् ।
त्यस्तै जनता समाजवादी पार्टीका तर्फबाट राजेन्द्र श्रेष्ठ, लोकतान्त्रिक समाजवादी पार्टीबाट अध्यक्ष महन्थ ठाकुर र वरिष्ठ नेता राजेन्द्र महतो, राष्ट्रिय जनमोर्चाबाट उपाध्यक्ष दुर्गा पौडेल तथा नेमकिपाबाट प्रेम सुवाल सहभागी छन् ।
बैठकमा बोलाइएपनि प्रमुख प्रतिपक्षी नेकपा एमाले अनुपस्थित छ । नेकपा (एकीकृत समाजवादी) लाई दल स्वीकार नगर्ने भन्दै एमालेले बैठकमा नजाने बताएको हो ।
माधवकुमार नेपालसहित १४ जनालाई सांसद पदबाट कारबाही गरी पत्र पठाउँदा पनि सभामुख अग्नि सापकोटाले निर्णय कार्यान्वयन गरी सूचना टाँस नगरेको भन्दै एमालेले गएको भदौ २३ देखि प्रतिनिधिसभा र राष्ट्रियसभामा निरन्तर अवरोध गर्दै आएको छ ।
बैठकमा एमालेका लागि छुट्याइएका कुर्सी खाली छन् ।
प्रतिक्रिया दिनुहोस
सफल खबर संवाददाता
विहीबार, १४ असोज २०७८, ११ : ०८
लेखकबाट थप
सम्बन्धित समाचारहरु
वीरगन्ज विवादबारे सर्वदलीय बैठकको ५ बुँदे निर्णय, के–के भयो सहमति ?
बागमती प्रदेशको सर्वदलीय बैठक निष्कर्षविहीन
शान्ति र संविधानमाथिको प्रहारविरुद्ध मिलेर प्रतिवाद गर्ने सर्वदलीय बैठकको निष्कर्ष
सर्वदलीय बैठक सिंहदरबारमा सुरु
प्रधानमन्त्रीद्वारा कृतज्ञता ज्ञापन
प्रधानमन्त्रीद्वारा मन्त्रिपरिषद् र सर्वदलीय बैठक आह्वान