अमेरिकामा कोरोनाबाट मृत्यु हुनेको संख्या ८ लाख नाघ्यो, खोप विरुद्ध विधेयक ल्याउने रिपब्लिकनको चेतावनी

एजेन्सी

शनिबार, ०२ असोज २०७८, १४ : ३२
अमेरिकामा कोरोनाबाट मृत्यु हुनेको संख्या ८ लाख नाघ्यो, खोप विरुद्ध विधेयक ल्याउने रिपब्लिकनको चेतावनी

वासिङ्टन । अमेरिकामा कोरोना महामारीबाट अहिलेसम्म ८ लाख ६० हजार जनाको मृत्यु भएको इकोनोमिस्ट म्यागजिनले जनाएको छ । तरपनि खोप लगाउन राष्ट्रपति बाइडेनले जारी गरेको आदेशलाई रिपब्लिकन पाटीका बरिष्ठ नेताले विरोध गरेका छन् ।

CG Developers Tansen Cement box

मिसिसिपी राज्यका गभर्नर टेट रिव्सले सरकारलाई अत्याचारी भन्दै आफूहरुले स्वतन्त्रतामा विश्वास गर्ने बताएका छन् । साउथ क्यारोलिनाका गभर्नर मेकमास्टरले पनि विरोध जनाएका छन् ।

केही रिपब्लिकन सांसदले खोप आदेशविरुद्ध विधेयक पेश गर्ने चेतावनी दिएका छन् । अहिलेसम्म त्यहाँ १२ वर्षभन्दा माथिल्लो उमेरका ६३ प्रतिशत जनसंख्यालाई खोप दिइएको छ ।

फ्रान्समा ७६ प्रतिशत, डेनमार्कमा ८५ प्रतिशत, क्यानडामा ६९ प्रतिशत र बेलायतमा ६५ प्रतिशतलाई खोप लगाइएको छ । कतिपय मुलुकमा भने खोपलाई लिएर हिच्किचाहट छ ।

गत अगस्टमा अमेरिकाको जोन हप्किन्स विश्वविद्यालयले ५० मुलुकमा गरेको एक सोधमा आधाभन्दा बढीले खोप नलगाउने बताएका थिए । आलोचकले त्यस्तो आदेशले उल्टै असर पर्न सक्ने बताएका छन् ।

ह्युस्टनको एक अस्पतालमा १५० कामदारलाई खोप नलगाएपछि निकालिएको थियो र उनीहरुले अहिले राजीनामा दिएका छन् । न्यूयोर्कको पास लेविले सहरमा केही कर्मचारीले राजीनामा दिँदा म्याटर्निटी सेवा अवरुद्ध भएको छ ।

पछिल्लो समय अमेरिकामा भाइरस संक्रमणमा वृद्धि भएको छ ।

प्रतिक्रिया दिनुहोस