काठमाडौं । प्रतिनिधिसभाको बैठकमा एमाले सांसदहरूको नाराबाजी भइरहेको छ । तर, सभामुख अग्निप्रसाद सापकोटाले बैठकलाई कार्यसूचीमा प्रवेश गराएर विभिन्न अध्यादेशलाई निर्णायार्थ प्रस्तुत गरिरहेका छन् ।
सोही क्रममा सांसद प्रेम सुवाललाई राष्ट्र ऋण उठाउने अध्यादेश २०७८सहितका विभिन्न प्रस्ताव पेस गर्न सभामुख सापकोटाले समय दिए । तर, सांसद सुवालले प्रतिपक्षी दलको विरोध भइरहँदा आफूले प्रस्ताव पेस गर्न नसकिने भन्दै रोष्टममा उभिएर प्रस्ताव पेस गर्ने वातावरण बनाउन आग्रह गरे ।
त्यसपछि सभामुख सापकोटाले प्रस्ताप फिर्ता लिएको हो कि प्रस्तुत गरेको स्पष्ट गर्न भने । यसपछि सांसद सुवालले आफूले प्रस्ताव पेस गर्ने वातावरण बनाउन आग्रह गरेको बताए । यसरी सभामुख सापकोटा र सांसद सुवालबीच केहीबेर सवालजवाफ भयो । अहिले एमाले सांसदको नाराबाजीकाबीच सभामुख सापकोटाले बैठकलाई अघि बढाइरहेका छन् ।
प्रतिक्रिया दिनुहोस
सफल खबर संवाददाता
शुक्रबार, २५ भदौ २०७८, १४ : २४
लेखकबाट थप
सम्बन्धित समाचारहरु
आउँदो बैठकमा गृहमन्त्रीमाथि छानबिन गर्न समिति गठन होस् : कांग्रेस
सुन काण्डमा संलग्न भएका सबै दोषीलाई कारबाहीको दायरामा ल्याउँनुपर्छ : सांसद केसी
हिन्दू राष्ट्रको पक्षमा महासमितिमा बहुमत देखियो : शंकर भण्डारी
विपिन जोशीको उद्धारमा सरकार गैरजिम्मेवार : पदम गिरी
हामीले समयमै कुनै पूर्वाधार बनाउन सकेनौं : गगन थापा
कालोबजारीलाई सरकारले प्रश्रय दिएको एमालेको आरोप