क्रियाशील सदस्यताको सूची माग गर्दै काँग्रेस जिल्ला सभापतिहरुद्धारा पार्टी कार्यालयमा धर्ना

काठमाडौं । नेपाली कांग्रेसको क्रियाशील सदस्यताको सूची सार्वजनिक गर्न माग गर्दै पार्टीको केन्द्रिय कार्यालय सानेपामा जिल्ला सभापतिहरु धर्नामा शुरु गरेका छन् । जिल्ला सभापतिहरु वरिष्ठ नेता रामचन्द्र पौडेल पक्षधर रहेका छन् । 

उनीहरुले सूची सार्वजनिक गर्न भदौ ७ गतेसम्मको समयसीमा दिएको भएपनि माग सम्बोधन नभएको भन्दै पार्टी केन्द्रीय कार्यालय धर्नामा बसको हुन् । नेपाली कांग्रेसको नुवाकोट जिल्लाका सभापतिहरुले आजदेखि सांकेतिक रुपमा एक घण्टामात्रै धर्ना दिने बताए । माग सम्बोधन नभए धर्ना जारी रहने बताए । 

‘जबसम्म वेबसाइटमा सदस्यता सार्वजनिक गरिंदैन, जबसम्म जिल्ला सभापतिहरुको उम्मेदवारी एकरुपता हुँदैन र सच्याउने मौका पाइँदैन तबसम्म हाम्रो धर्ना कार्यक्रम जारी रहन्छ,’ धर्नामा सहभागी एक नेताले बताए । उनका अनुसार क्रियाशील सदस्यता पारदर्शी नभएकाले आन्दोलनमा उत्रिनु परेको उनले बताए । धर्नामा नेता अर्जुन नरसिंह केसीले ऐक्यवद्धता जनाएका छन्।