सरकारले एमालेसँगको रिस भूमिहीन सुकुम्बासीमाथि पोख्यो : शंकर पोखरेल

काठमाडौं । लुम्बिनी प्रदेशका मुख्यमन्त्री एवं नेकपा एमालेका नेता शंकर पोखरेलले  सरकारले एमालेसँगको रिस भूमिहीन सुकुम्बासीमाथि पोखेको बताएका छन् । 

सामाजिक संजालमा प्रतिक्रिया व्यक्त गर्दै नेता पोखरेलले केपी ओली नेतृत्वको सरकारले गठन गरेको भूमि समस्या समाधानसम्बन्धी आयोगलाई खारेज गर्ने सरकारको निर्णयप्रति आपति प्रकट गरेका हुन् । 

उनले भनेका छन्, ‘एमालेसँगको रिस भूमिहीन सुकुम्बासी र अव्यवस्थित बसोवासीमाथि पोख्नु सरकारको लाचारी हो,’  ‘गल्ती सच्याई आयोगलाई पुनः सकृय बनाउन सरकारलाई दबाब सिर्जना गरौँ।’