काठमाडौं । त्रिभुवन विश्वविद्यालय त्रिविले सञ्चालन भइरहेको त्रिविअन्तर्गतका कुनै पनि वार्षिक परीक्षा नरोक्ने स्पष्ट पारेको छ। सोमबार स्वास्थ्य मन्त्रालयमा आयोजित पत्रकार सम्मेलनमा स्वास्थ्य राज्यमन्त्री उमेश श्रेष्ठले परीक्षाका विषयसम्बन्धी सबै कार्यक्रमबारे सोच्नुपर्ने बताएपछि त्रिविले यस्तो स्पष्ट पारेको हो।
त्रिविका परीक्षा नियन्त्रक पुष्पराज जोशीले परीक्षा नरोक्ने बताए। उनले भने,‘मन्त्रालयले जे भने पनि हाम्रो परीक्षा सकिन लागेको छ,अब तीन वटा जति मात्रै बाँकी छ,त्यसैले परीक्षा रोक्दैनौँ,परीक्षार्थीहरू नअलमलिन अनुरोध गर्छु।’
अहिले कोरोनाले रोकिएको स्नातक तहको प्रथम वर्षको परीक्षा सञ्चालन भइरहेको छ। राज्यमन्त्री श्रेष्ठले कोरोना संक्रमण बढ्दै गएकाले विश्वविद्यालय र कक्षा-१२ परीक्षाबारे आन्तरिक मूल्यांकनबाट समेत जान सकिने भन्दै परीक्षालाई व्यवस्थित गर्नलाई रोक्न सकिने भनाइ राखेका थिए। कक्षा-१२ को परीक्षा भने साउन ३१ गतेदेखि सुरु गर्नेगरि राष्ट्रिय परीक्षा बोर्डले परीक्षा तालिका सार्वजनिक गरेको छ।
प्रतिक्रिया दिनुहोस
सफल खबर संवाददाता
सोमबार, १८ साउन २०७८, १८ : ४६
लेखकबाट थप
सम्बन्धित समाचारहरु
त्रिविको शिक्षाध्यक्षमा केसी र रजिस्ट्रारमा रिजाल नियुक्त
त्रिविको रेक्टरमा केसी र रजिष्ट्रारमा रिजाल नियुक्त
त्रिभुवन विश्वविद्यालय र चिनियाँ विश्वविद्यालयबीच सम्झौता
रेक्टर र रजिष्ट्रार नियुक्तिमा दलीय हस्तक्षेप रोक्न माग गर्दै प्रदर्शन
स्नातक कार्यक्रम पुन : तीन वर्षे बनाइन्छ: उपकुलपति प्रा.डा बराल
त्रिवि उपकुलपतिको सर्टलिस्टमा परेका विवादित व्यक्तिबारे पुनर्विचार गर : शिक्षा समिति