उपेन्द्र यादवले बोलाए कार्यकारिणी समितिको बैठक, संसदिय दलको नेता चयन गर्ने

सफल खबर संवाददाता

मंगलबार, १२ साउन २०७८, १० : २९
उपेन्द्र यादवले बोलाए कार्यकारिणी समितिको बैठक, संसदिय दलको नेता चयन गर्ने

काठमाडौं । निर्वाचन आयोगबाट आधिकारिकता पाएसंगै जनता समाजवादी पाटी (जसपा) को कार्यकारिणी समितिको बैठक आज बस्ने भएको छ । बैठक आज दिउसो २ बजे पार्टी कार्यालय बालकुमारीमा बस्ने एक नेताले बताए । 

बैठकमा आधिकारिकता पाएपछि पार्टीको पुनर्गठन, संगठन विस्तार, संसदीय दलको नेता चयन, सरकारमा सहभागिता लगायतका विषयमा छलफल हुने कार्यकारिणी सदस्य रामनरेश राय यादवले बताए ।

उनका अनुसार संसदीय दलको विधान कार्यकारिणी समितिबाट पारित भइसकेको छ । सो विधानलाई संसदीय दलमा पठाइने छ । संसदीय दलमा प्रकृया सुरु गरेर संसदीय दलको नेता चयन हुने बताइएको छ ।

संसदीय दलको नेतामा उपेन्द्र यादव चयन हुने लगभग निश्चित छ । निर्वाचन आयोगमा हिजो भएको हेड काउन्टमा उपेन्द्र यादवको पक्षमा ३४ जना कार्यकारिणी सदस्यले हस्ताक्षर गरेका थिए ।

प्रतिक्रिया दिनुहोस