गृह मन्त्रालयको प्रवक्तामा पोखरेल

काठमाडौं । गृह मन्त्रालयको प्रवक्ताको जिम्मेवारी सह–सचिव फणिन्द्रमणि पोखरेलले पाएका छन् । पोखरेल कारागार ब्यवस्थापन विभागका महानिर्देशक हुन् ।

शान्तिसुरक्षा महाशाखाको प्रमुखसहित प्रवक्ताको जिम्मेवारी दिने निर्णय गरिएको गृहले जनाएको छ । सह–सचिव पोखरेलले तराईका ५ र पहाडी क्षेत्रका दुईवटा जिल्लाको प्रमुख जिल्ला अधिकारी भएर काम गरिसकेका छन् ।