चितवनमा गोली लागेको अवस्थामा एक युवकको शव फेला, घटनास्थलबाट गोलीको खोका बरामद

सफल खबर संवाददाता

विहीबार, ०७ साउन २०७८, ११ : १५
चितवनमा गोली लागेको अवस्थामा एक युवकको शव फेला, घटनास्थलबाट गोलीको खोका बरामद

चितवन । चितवनमा गोली लागेको अवस्थामा एक युवकको शव फेला परेको छ ।  भरतपुर महानगरपालिका वडा नम्बर १७ स्थित खेत नजिकै रहेको घोलमा शंकास्पद अवस्थामा युवकको शव फेला परेको हो ।

Yeti Diistillery Tansen Cement box

सो स्थानको डेरी चोकबाट शारदानगर जाने बाटो तर्फको बीचमा रहेको घोलमा अन्दाजी ३० वर्षका युवकको शव फेला परेको जिल्ला प्रहरी कार्यालय चितवनले जनाएको छ । 

स्थानियबासीले घोलमा शव देखेपछि प्रहरीलाई खबर गरेका थिए । प्रहरी घटनास्थल पुगेर अनुसन्धान थालेको छ । मृतकको सनाखत भने हुन सकेको छैन् ।

प्रहरीका अनुसार मृतकको टाउकोमा गोली लागेको जस्तो देखिएको र घटनास्थलमा एक थान गोलीको खोका समेत भेटिएको छ ।  प्रहरीले घटनाको अनुसन्धान गरिरहेको जनाएको छ । तस्वीर : फेसबुकबाट साभार