जसपा आधिकारिकता विवाद छिनोफानो गर्न निर्वाचन आयोगको इजलास बस्दै

सफल खबर संवाददाता

विहीबार, ०७ साउन २०७८, १० : ३०
जसपा आधिकारिकता विवाद छिनोफानो गर्न निर्वाचन आयोगको इजलास बस्दै

काठमाडौं । जनता समाजवादी पार्टी (जसपा) को आधिकारिता विवादमा निष्कर्ष दिन निर्वाचन आयोगको इजलास आज बस्दै छ । ओली सरकारमा महन्थ ठाकुर पक्ष सहभागी भएपछि जसपामा दुई धारमा विभाजन भएको थियो ।

Yeti Diistillery Tansen Cement box

त्यो विवाद छलफल तथा वार्ताबाट नसुल्भिएपछि विवाद आयोग सम्म पुगेको थियो । आयोगमा दुवै पक्षले निवेदन दिदैं आफु आधिकारिक भएको दाबी गरेका थिए ।  विवाद निरुपणका लागि प्रमुख आयुक्त दिनेश थपलियाको नेतृत्वमा ५ सदस्सीय इजलास गठन गरेको हो। 

आज दुवै पक्षको बहस टुंग्याउने तयारी गरिएको आयोगले जनाएको छ। आयोगका अनुसार केन्द्रीय कार्यकारिणी समितिको बहुमत हेरेर निर्णय गरिनेछ । राजनीतिक दलसम्बन्धी ऐनमा लिखित जवाफ र प्रमाणका आधारमा कुनै पक्षलाई आधिकारिता दिने अवस्था नरहे केन्द्रीय समितिमा बहुमत हुनेलाई मान्यता दिइने प्रावधान छ । इजलासले गत आइतबारदेखि जसपा विवादबारे सुनुवाइ गरिरहेको हो। 

प्रतिक्रिया दिनुहोस