सरकारमा गएका ९ मन्त्रीलाई पार्टीबाट हटाउने जसपा उपेन्द्र यादव पक्षको निर्णय

सफल खबर संवाददाता

विहीबार, ०३ असार २०७८, १८ : ४७
सरकारमा गएका ९ मन्त्रीलाई पार्टीबाट हटाउने जसपा उपेन्द्र यादव पक्षको निर्णय

काठमाडौं । जनता समाजवादी पार्टी (जसपा) उपेन्द्र यादव पक्षले महन्थ ठाकुर पक्षका सरकारमा सहभागी भएका ९ जना मन्त्रीलाई पार्टीबाट निष्कासन गर्ने निर्णय गरेको छ । अध्यक्ष उपेन्द्र यादव पक्षीय कार्यकारिणी समितिको बैठकले यस्तो निर्णय गरेको हो । 

यसअघि यो समूहले अध्यक्ष महन्थ ठाकुर, वरिष्ठ नेता राजेन्द्र महतो, नेताहरु सर्वेन्द्रनाथ शुक्ल र लक्ष्मणलाल कर्णलाई निष्कासन गरेको थियो । यसबाहेक सरकारमा सहभागी बाँकी मन्त्रीलाई निष्कासन गर्ने निर्णय भएको उपेन्द्र यादव पक्षका एक नेताले भने । 

यस्तै बैठकले निर्वाचन आयोगले गत जेठ ३१ गते दिएको निर्णयको राजनीतिक प्रतिवाद गर्ने निर्णय गरेको छ । जसअनुसार राजनीतिक दलसम्बन्धी ऐनको दफा ४३ र ४४ अनुसार पार्टीको आधिकारीकता दावी गर्न निर्वाचन आयोगमा निवेदन दिइनेछ । बैठकमा अध्यक्ष यादव, संघीय परिषद् अध्यक्ष डा। बाबुराम भट्टराई, नेताहरई अशोक राई, राजेन्द्र श्रेष्ठलगायत उपस्थित थिए ।
 

प्रतिक्रिया दिनुहोस