नेता गोकुल बाँस्कोटाको टिप्पणी : ‘बुढालाई पीरैपीरमा राख्ने भए, लास्ट प्रयास ! पारिवारिक मिलनको नत्र बाक्लो दाल खाऊ’

काठमाडौं । नेकपा एमालेका नेता गोकुल बाँस्कोटाले एमाले एकताका लागि अन्तिम प्रयास भएको भन्दै पारिवारिक मिलन नभए अलग हुन समेत भनेका छन् । 

उनले अहिलेको प्रयासलाई अन्तिम भनि सामाजिक संजालमार्फत ट्वीट गर्दै  एमाले एकताका लागि यो अन्तिम प्रयास भएको बताएका छन् । उनले ट्वीटरमा लेखेका छन्–‘अब के भने नि बस्नेलाई श्रीसम्पत्ति जिम्मा जानेलाई दुईतीन मुठ्ठी सातुको बाटो खर्च साथ विदा । के गर्नु ? आफ्नै हुन माया लाग्छ । राष्ट्रकवि माधब घिमिरेको गौरी शोककाब्यमा जस्तै बनाए । यी हाँसे पनि रोए पनि बुढालाई पीरैपीरमा राख्ने भए। लास्ट प्रयास ! पारिवारिक मिलनको नत्र बाक्लो दाल खाऊ।'

प्रधानमन्त्री केपी शर्मा ओलीले पार्टीलाई जेठ ३ अघिकै अवस्थामा तयार रहेको घोषणा गर्दै एकता आह्वान गरेपछि नेता बाँस्कोटाले व्यक्त गरेका हुन् ।