एकता बचाउन अन्तिमसम्म लचकता अपनाउने एमालेको निर्णय

काठमाडौँ । नेकपा एमालेले पार्टी एकता बचाउन अन्तिमसम्म लचकता अपनाउने निर्णय गरेको छ । मंगलबार बसेको स्थायी समिति बैठकमा पार्टी एकता बचाउन अन्तिमसम्म जारी राख्ने निर्णय भएको छ । 

 प्रवक्ता प्रदीपकुमार ज्ञवालीका अनुसार पार्टीको आन्तरिक एकताका लागि भइरहेका प्रयासबारे छलफल भयो, एकता बचाउन नेतृत्व तहबाट अन्तिम समयसम्म पनि प्रयास जारी राख्ने निर्णय भएको छ । 

बजेट र लुम्बिनी प्रदेशमा भएको राष्ट्रिय सभा उप निर्वाचनको समेत बैठकमा समीक्षा भएको उनले बताए । बैठकमा स्पष्टिकरण सोधेका १२ जना नेतालाई कारवाहीबारे कुनै छलफल नै नभएको र अर्को पाटोबाट वार्ता चलिरहेको उनेका भनाइ थियो ।