राष्ट्रपतिलाई एमालेको पत्र : देउवालाई प्रधानमन्त्री बनाउन समर्थन गर्नेलाई साधारण सदस्यबाट हटाउँछौँ

काठमाडौं । नेपाली कांग्रेस सभापति शेरबहादुर देउवालाई प्रधानमन्त्री बनाउन हस्ताक्षर गर्ने एमालेका सांसदलाई साधारण सदस्यबाट पनि हटाइने भएको छ ।  

देउवालाई प्रधानमन्त्री बनाउन हस्ताक्षर गर्ने २६ जना सांसद छन् । कति सांसदले हस्ताक्षर नगरेको दावी गरिरहेका छन् । देउवालाई प्रधानमन्त्री बनाउन हस्ताक्षर गर्ने सांसदलाई दलको साधारण सदस्य पनि नरहने गरी कारबाही गर्ने सूचना राष्ट्रपति कार्यालय पठाएको एमाले स्रोतले जनाएको छ । दलीय अनुशासन उल्लंघन गरेकाले कारबाही गर्ने जानकारी राष्ट्रपति कार्यालय पठाएको छ ।

शुक्रबार संविधानको धारा ७६(५) अनुसार नेपाली कांग्रेसका सभापति शेरबहादुर देउवाले १४९ सांसदको हस्ताक्षर राष्ट्रपति कार्यालयमा बुझाएका छन् ।