विपक्षीलाई राष्ट्रपतिले भनिन्–म कानुन हेर्छु

काठमाडौँ । १४९ सांसदको हस्ताक्षरसहित सरकारको दावी गर्न पुगेको विपक्षी गठबन्धनलाई राष्ट्रपति विद्यादेवी भण्डारीले प्रधानमन्त्रीको पनि दावी रहेको हुनाले कानुन हेर्ने बताएकी छन् । 

कांग्रेस सभापति शेरबहादुर देउवासहित शितल निवास पुगेका विपक्षी गठबन्धनलाई राष्ट्रपति विद्यादेवी भण्डारीले कानुन हेरी परामर्शका साथ अघि बढ्ने बताइन् । 

माओवादी केन्द्रका प्रवक्ता नारायणकाजी श्रेष्ठले प्रधानमन्त्री केपी शर्मा ओली पनि बहुमत दावी गर्न आएको भन्दै आफूले कानुन हेर्ने राष्ट्रपतिबाट कुरो आएको बताए । प्रधानमन्त्री केपी शर्मा ओलीले एमाले र जसपाका गरी १५३ सांसदको समर्थन आफूलाई रहेको दावी राष्ट्रपतिसमक्ष पेश गरेका छन् ।