कांग्रेसले भन्यो– आचारसंहिता उल्लंघन गर्ने प्रधानमन्त्रीलाई कारबाही गर

काठमाडौं । आचारसंहिता उल्लंघन गर्दै राष्ट्रिय सभा सदस्यमा उम्मेदवार बनेका रामबहादुर थापा बादललाई प्रधानमन्त्री केपी शर्मा ओलीले मत माग्दै वक्तव्य जारी गरेपछि चौतर्फी आलोचना भएको छ । 

नेपाली कांग्रेसले निर्वाचन आचार संहिता उल्लंघन गर्दै प्रधानमन्त्री केपी शर्मा ओलीले मौन अवधिमा मत माग्दै वक्तव्य दिएको भन्दै कारबाहीको माग गरेको छ ।

कांग्रेस संसदीय दल, कार्यसमितिको बुधबार बसेको बैठकले राष्ट्रियसभा उपनिर्वाचनको मौन अवधि सुरु भइसकेको बेला प्रधानमन्त्रीले वक्तव्य जारी गर्दै मत मागेको हुनाले कारबाही गर्न माग गरेको हो । वाग्मती प्रदेशमा राष्ट्रियसभा उपनिर्वाचन भोलि हुँदैछ । हेटौँडामा हुने उक्त उपनिर्वाचनको सम्पूर्ण तयारी निर्वाचन आयोगले गरिसकेको छ ।