डा. बाबुराम भट्टराईको प्रस्ताव : ‘संकट हल गर्न सबै दलको सहभागिता हुनेगरि सरकार बनाई एक वर्ष भित्र चुनाव गरौं’

काठमाडौं । जनता समाजवादी पार्टीका संघीय परिषद अध्यक्ष बाबुराम भट्टराईले देशमा देखिएको संकट हल गर्न सबै दलको सहभागितामा सरकार बनाउनुपर्ने बताएका छन् । 

सामाजिक संजालमा ट्वीट गर्दै पुर्व डा. भट्टराईले वर्तमान र पूर्वप्रधानमन्त्रीहरू बाहेकको नेतृत्वमा सबै दलको सहभागिता हुने गरी राष्ट्रिय सरकार बनाउन प्रस्ताव अगाडि सारेका हुन् ।  संविधानको धारा ७६ (२) अनुसार बन्नुपर्ने र यसमा दुई वा दुईभन्दा बढी दलको सहभागितामा सरकार बन्ने प्रावधान रहेको उल्लेख गरेका छन् । 

डा. भट्टराईले ट्वीटमा यस्तो लेखेका छन्–‘देशको संकट हल गर्न यसो गरौं,१.धारा ७६ (२) बमोजिम सबै दलको सहभागिता र वर्तमान र पूर्व प्रम वाहेककाको नेतृत्वमा राष्ट्रिय सरकार बनाऔं २. दलका प्रमुख, पूर्व प्रम रहेको निर्देशक समिति ३.साझा न्यूनतम कार्यक्रम (कोभिड नियन्त्रण, मुद्दा, संविधान संशोधन, आर्थिक राहत लागू ४ एक बर्षभित्र चुनाव ।’

नेकपा एमालेका अध्यक्ष केपी शर्मा ओलीले सोमबार प्रतिनिधि सभाबाट विश्वासको मत लिन सकेका थिएनन्। यससँगै ओलीको प्रधानमन्त्री पद स्वतः गएको थियो।