माधव नेपाल पक्षिय सांसदहरु सिंहदरबारमा, राजिनामा दिने अन्तिम तयारी

काठमाडौं । माधव नेपाल समुहका सांसदहरु राजिनामा दिन सिंहदरबारमा छलफलमा जुटेका छन् । उनीहरुले अबको केहीबेरमा राजिनामा दिने बताईएको छ । 

अध्यक्ष तथा प्रधानमन्त्री केपी शर्मा ओलीलाई दिएको अल्टिमेटम सकिएपनि केही जवाफ नआएपनि उनीहरु राजिनामा दिने तयारी थालेका हुन् ।  बैठकका लागि नेता माधव नेपाल सिंहदरवार पुगिसकेका छन् ।

नेपाल पक्षीय एक सांसदले ‘केपी ओलीको दम्भका कारण पार्टी एकताका सम्पूर्ण प्रयास असफल भएको बताएका छन् । नेपाल पक्षीय सांसदहरुले एमाले सांसदको हैसियतमा आजको बैठक अन्तिम हुन सक्ने बताएका छन् ।’

नेपाल पक्षका कतिजना सांसदले राजीनामा दिने भए भन्ने संख्या अझै खुलाइएको छैन । तर पार्टी विभाजन नै हुने भएपछि समानुपातिक सांसदले पनि राजीनामा दिने तय भएको छ । नेपाल पक्षिय सांसदहरुले राजिनामा दिने र त्यसो भए संसदको संख्या घट्ने र त्यो अवस्थामा  अन्य दलको बहुमत पुग्ने पनि उनीहरुको आँकलन  छ ।