दाङ । दाङमा आगलागीबाट छ वटा घरगोठ जलेर नष्ट भएको छ । घोराही उपमहानगरपालिका–२ चाक्लीघाटमा चार घर परिवारको छ वटा घरगोठ जलेर नष्ट भएको वडाध्यक्ष केशवराज आचार्यले जानकारी दिए ।
स्थानीय धनबहादुर वलीको गोठबाट शुरु भएको आगलागीले रत्नबहादुर वलीको घर, गोठ र पाँच वटा खसी जलेको छ । त्यस्तै कली वलीको घर, गोठ, सुन्दर वलीको घर, गोठसहित १० वटा खसीबाख्रा र एउटा गोरु जलेको वडाध्यक्ष आचार्यले जानकारी दिए ।आगलागी के कसरी भयो भन्ने खुल्न नसकेको उनको भनाइ छ ।
आगलागीले घरगोठमा रहेका सबै सामान जल्दा पीडित घरबारविहीन भएका छन् ।अग्नी पीडित आफन्तको घरमा आश्रय लिएर बसेका छन् । उनीहरुका लागि तत्काल आवश्यक पर्ने खाद्यान्न र लत्ताकपडा राहत स्वरुप लिएर भोलि जाने वडाध्यक्ष आचार्यले बताए । स्थानीयवासीको सक्रियतामा आगो नियन्त्रणमा आएको बताइएको छ ।
प्रतिक्रिया दिनुहोस
रासस
बुधबार, ०८ बैशाख २०७८, १४ : ४२
लेखकबाट थप
सम्बन्धित समाचारहरु
अछाममा आगलागी हुँदा दुई नाबालकको मृत्यु
आगलागीबाट कर्णालीमा एक साताभित्रै ६ जना को मृत्यु
आगलागीमा गम्भीर घाइते भएका तीनै बालकको मृत्यु
डोल्पामा आगलागीमा परेका तीनै जना बालबालिकाको मृत्यु, शोकमा डुब्यो सिङ्गो गाउँ
हुम्लाको भेडी गोठमा आगलागी, १ जनाको मृत्यु
भीरबाट खसेका ढुङ्गा एकापसमा ठोक्किँदा आगलागी